في رثاء النائب سيدي محمد ولد محمد السالم (أدب حساني)

انْصابتْ لمْروّ و الدِّينْ == لثْنَيْنْ أُ لخْلاقْ الزَّيْنينْ

ذوكْ انصابُ و المساكينْ == انْصابُ و انصابْ الجِوارْ

و أهْلْ العَشِيرَ مَجْتَمْعينْ == انْصَابُ صِغارْ أُ كِبَارْ 

و الفُتُوَّ ماتتْ يَقينْ == عاكَبْ مُلاهَ ذاكْ البَارْ 

ذاكْ الدُّومُ منْ شِ بَيِّينْ == يشهدْ عَنُّ مقطع لحجارْ

عَطَّايْ أُ شُجاعْ أُ رَزِينْ == و أَنُّ ما خَلَّ كَدْ اغْيارْ 

فَالزَّعَامَ لَلْآخَرينْ === ياربِّ و اكْتَنَّكْ غَفَّارْ

لَطيفْ أُ رؤوفْ أُ رحيمْ == أُ توابْ أُ ودودْ أُ سَتَّارْ

أَعْطِيهْ النَّعيمْ المُقِيمْ == فالجِنانْ افْحَوْمَتْ لَبْرارْ 

محمد فال ولد بَلَّالْ 

تصنيف : المقالات