كلمتي كلمتك... بين مدير اسنيم والعمال المضربين

مدير اسنيم:

هاذَ لضْرابْ إبانْ اصْعابْ

واشْعابْ، أُذَ عنُّ ينْصابْ

والاَّ شِ يصعابْ أُيشْعابْ

كلّ انْهارْ أُورَ عادْ انْهارْ

والخلْطَ ما يبْغُ لضْرابْ

يوْفَ بيهمْ كثْرتْ لخْبارْ

وإلا تمّْ الحالْ ابْذ الحالْ

لاهِ نعْكبْ من كدِّوارْ

وللَّ فاسْ انْجيبْ العمّالْ

وللَّ مالي وللَّ دكارْ

عمال اسنيم المضربون:

مطْلبْنَ لبّيهْ إلا عادْ

ماركْ فيكْ اتْوفِّ لعْنادْ

مطْلبْنَ –بيه الِّ سداد-

ما ترَّكْنَ فيهْ الحصارْ

أُلاهِ إتمّْ الاّ باشْ انزادْ

الحصارْ انزيدُ لصْرارْ

وإلا ما عدَّلْتُ فالحالْ

خرَّصْ كانكْ من كدِّوارْ

وللَّ فاسْ اتْجيبْ العمّالْ

وللَّ مالي وللَّ دكارْ

 أشطاري

تصنيف : الأخبار